DTZ adbyłosia kala 16.30 za MKAD, niepadalok ad pierakryžavańnia z vulicaj Rotmistrava (r-n Šabany). Matacykł sutyknuŭsia ź lehkavym aŭtamabilem «Reno Łahuna». Bajkier ruchaŭsia ŭ bok Minska, a ŭ spadarožnym kirunku išoŭ «Reno», za rulom jakoha byŭ mužčyna 1975 hoda naradžeńnia. Kiroŭca lehkavika patłumačyŭ inśpiektaram DAI, što paśpieŭ tolki pačuć roŭ matora matacykła, paśla čaho adbyŭsia ŭdar u zadniuju častku mašyny i šafior pabačyŭ padajučaha bajkiera.

Lehkavik raźviarnuła na 45 hradusaŭ, zadniaja častka pajšła naleva. Matacykł adkinuła ŭprava i jon lažaŭ na linii raźmietki. Sam matacyklist pieralacieŭ praz mašynu i ŭpaŭ u piaci mietrach śpieradu. Jon zahinuŭ na miescy, pieradaje Onliner.by

Aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ zajaviŭ, što pa fakcie DTZ z zahinułym matacyklistam raspačata kryminalnaja sprava: «Śledča-apieratyŭnaja hrupa pracuje na miescy darožna-transpartnaha zdareńnia z udziełam aŭtamabila Renault i matacykła Kawasaki, jakija ruchalisia ŭ spadarožnym napramku ŭ adnoj pałasie na Partyzanskim praśpiekcie «. Pieršapačatkovymi śledčymi dziejańniami ŭstanoŭlena, što najezd ździejśnieny matacykłam, udar pryjšoŭsia ŭ zadniuju častku aŭtamabila. U vyniku DTZ 26-hadovy kiroŭca Kawasaki zahinuŭ, 40-hadovy kiroŭca Renault nie paciarpieŭ, raspavioŭ Alaksandr Hierasimaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?