U Viarchoŭnuju radu Ukrainy uniesieny zakonaprajekt ab pierajmienavańni ŭkrainskich kapiejek u rubli.

U paviedamleńni na sajcie prezidenckaha Błoka Piatra Parašenki ŭdakładniajecca, što zakonaprajekt zaniesieny deputatam parłamienckaj frakcyi błoka Aleham Musijem. Svaju inicyjatyvu deputat abhruntavaŭ nieabchodnaściu adnaŭleńnia histaryčnaj spraviadlivaści.

Deputat śćviardžaje, što histaryčna mienšaja ŭ adnosinach da hryŭni hrašovaja adzinka ŭ Kijeŭskaj Rusi nazyvałasia rublom. Kapiejki ž, pa słovach Musija, źjavilisia va Ukrainie tolki paśla zdabyćcia krainaj niezaležnaści i abviaščeńnia hryŭni asnoŭnaj hrašovaj adzinkaj.

«Pryniaćcie prajekta zakona adnović histaryčnuju spraviadlivaść va ŭžyvańni nazvy rubla jak mienšaj častki hrašovaj adzinki va Ukrainie — hryŭni», - adznačyŭ Musij.

Hryŭniaj u Kijeŭskaj Rusi nazyvali źlitak srebra, jaki vykarystoŭvaŭsia ŭ jakaści hrošaj. Rubiel ža, zhodna ź Vialikaj savieckaj encykłapiedyjaj, sapraŭdy pieršapačatkova abaznačaŭ častku, adsiečanuju ad hryŭni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?