Ukazam № 349 ad 10 žniŭnia Alaksandr Łukašenka ŭnios źmianieńni i dapaŭnieńni ŭ niekatoryja ŭkazy pa pytańniach funkcyjanavańnia sistemy źbirańnia płaty za prajezd pa płatnych aŭtamabilnych darohach.
U pryvatnaści, praduhledžvajecca vyzvalić ad płaty za prajezd na praciahu 10 dzion z momantu ŭvozu (nabyćcia) nabytyja (novyja abo ŭviezienyja) transpartnyja srodki (raniej nie zarehistravanyja ŭ Biełarusi) z technična dapuščalnaj ahulnaj masaj nie bolšaj čym 3,5 tony pry dastaŭcy ich da miesca dziaržaŭnaj rehistracyi, paviedamlaje pres-słužba prezidenta.
Akramia taho, ad płaty za prajezd vyzvalajucca karystalniki, jakija vykarystoŭvajuć transpartnyja srodki, zarehistravanyja na terytoryi Danieckaj i Łuhanskaj abłaściej Ukrainy, z technična dapuščalnaj ahulnaj masaj nie bolšaj čym 3,5 tony, i pryčepy, jakija buksirujucca imi.
U metach zabieśpiačeńnia vykanańnia ŭskładzienych na Transpartnuju inśpiekcyju Mintransa funkcyj pa źbirańni płaty ŭ pavialičanym pamiery hetaj struktury pradastaŭlajecca prava zapytvać i atrymlivać adpaviednuju infarmacyju ad MPZ i MUS ab rachunkach uładalnika abo lizinhaatrymalniku (arandatary) transpartnaha srodku.
Akramia taho, unosiacca źmianieńni ŭ Praviły darožnaha ruchu, jakija praduhledžvajuć nieabchodnaść abstalavańnia vučebnych aŭtamabilaŭ videarehistratarami pry zdačy ekzamienaŭ.
