U Mižnarodnym valutnym fondzie paličyli devalvacyju kitajskaha juania pazityŭnym krokam. Pra heta havorycca ŭ apublikavanaj zajavie MVF.

Na dumku MVF, devalvacyja juania dazvolić rynkavym miechanizmam adyhrać značnuju rolu ŭ vyznačeńni abmiennaha kursu. Pry hetym u Mižnarodnym valutnym fondzie padkreślivajuć, što kankretny vynik budzie zaležać ad taho, jak novy miechanizm budzie realizavany na praktycy.

Pradstaŭniki MVF ličać, što Kitaj pavinien imknucca da pierachodu na płavajučy kurs na praciahu dvuch-troch hadoŭ. Bolš za toje, u MVF ŭpeŭnienyja, što dla hetaha isnujuć usie nieabchodnyja ŭmovy.

Napiaredadni Centrabank Kitaja devalvavaŭ juań da trochhadovaha minimumu ŭ adnosinach da dalara. U banku devalvacyju na 1.9% nazvali vyklučnaj mieraj, nacelenaj na toje, kab kurs abmienu juania bolš dakładna adlustroŭvaŭ situacyju na rynku.

Azijackija valuty adreahavali na heta padzieńniem: uśled za juaniem, jakija pieražyli za aŭtorak najmacniejšaje za dziesiacihodździe padzieńnie, abvalilisia inšyja rehijanalnyja valuty, a taksama valuty klučavych syravinnych partnioraŭ Kitaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?