Novyja tempieraturnyja rekordy zafiksavanyja ŭ šerahu biełaruskich haradoŭ u apošnija dvoje sutak. 10 žniŭnia ŭ Homieli pavietra prahrełasia da 34 hradusaŭ i heta na 1,8 hradusa bolej za absalutny maksimum dla hetaj daty, zafiksavany dva hady tamu.
U Mahilovie ŭ paniadziełak słupok termomietra padniaŭsia da adznaki 32,9 hradusa vyšej za nul i heta taksama na 1,2 hradusa pieraŭzyšło rekordny pakaźnik 1992 hoda. U aŭtorak tut taksama byŭ novy rekord dnia — 34,2 hradusa (raniej najbolšym značeńniem było 33,8 hradusa ŭ 1992 hodzie).
Najbolšaja haračynia 11 žniŭnia stajała ŭ Pinsku — 35,8 hradusa. I heta taksama rekord dnia (raniej było 33,9 u 1992 hodzie).
Siońnia, 12 žniŭnia na bolšaj častcy terytoryi čakajecca 35-36 hradusaŭ vyšej za nul i sinoptyki prahnazujuć novyja tempieraturnyja rekordy, paviedamlaje BiełaPAN.
