Mabilny apieratar MTS anansavaŭ dzień biaspłatnych razmoŭ unutry sietki 16 žniŭnia. U akcyi mohuć uziać udzieł usie 5,3 młn abanientaŭ apieratara. Kab zarehistravacca na biaspłatnyja razmovy, treba nabrać USSD-kod *775# i nacisnuć «Vyklik».
Aktyvacyja ŭdziełu ŭ akcyi taksama biaspłatnaja. Akcyja nie abmiažoŭvajecca ni pra kolkaści, ni pa praciahłaści telefanavańniaŭ, ale dziejničaje tolki dla telefanavańniaŭ ad abanienta MTS da abanienta MTS.
Chacia kampanija nie kaža ab hetym u pres-relizie, akcyja moža być źviazanaja ź niepaładkami ŭ sietcy 9 i 11 žniŭnia — tady abanienty mieli prablemy z suviaźziu i mabilnym internetam. Paviedamlajecca, što niepaładki byli vyklikanyja avaryjaj na padstancyi «Zialony Łuh», vinoŭnikam jakoj nazyvajuć kunicu. Vierahodna, dniom biaspłatnych razmoŭ apieratar choča kampiensavać niazručnaści.
