news.am

news.am

Sałdat terminovaj słužby, jaki deziertavaŭ z rasijskaj vajskovaj bazy ŭ armianskim Hiumry, pryznaŭ vinu ŭ zabojstvie siami členaŭ siamji Aviecisian. Kryminalnaja sprava słuchajecca na vyjaznym adkrytym pasiadžeńni harnizonnaha vajskovaha suda.

Sud razhladaje abvinavačvańni ŭ samavolnym pakidańni varty ŭ metach uchileńnia ad słužby, sa zbrojaj i bojeprypasami, u kradziažy i niezakonnym zachoŭvańni i našeńni zbroi.

Za zabojstva členam armianskaj siamji Piermiakoŭ paŭstanie pierad armianskim sudom; heta było zroblena ŭ ramkach pahadnieńnia pamiž Rasijaj i Armienijaj pa pytańniach jurysdykcyi i ŭzajemnaj pravavoj dapamohi pa spravach, jakija źviazany sa znachodžańniem rasijskaj vajennaj bazy na terytoryi respubliki.

Piermiakoŭ, adkazvajučy na pytańni, skazaŭ, što na dośvitku 12 studzienia samavolna sa zbrojaj uciok u horad. U adnym z damoŭ jon zastreliŭ šaściarych členaŭ siamji. Zahinułych było siamiora — dvuchhadovuju dziaŭčynku jon zakałoŭ štyk-nažom.

13 studzienia ŭ Armienii pačalisia stychijnyja akcyi pratestu, mitynhoŭcy patrabavali vydać Piermiakova armianskamu pravasudździu, adnak jon znachodziŭsia paśla zatrymańnia na rasijskaj vajskovaj bazie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?