Pra heta amierykanski muzyka i były vakalist hurtoŭ Rainbow i Deep Purple Džo Lin Ternier zajaviŭ na pres-kanfierencyi ŭ Simfieropali.
Britta Pedersen / Global Look
Śpiavak maje namier pravieści kancerty ŭ Fieadosii, Sievastopali i Jałcie 13—15 žniŭnia.
«Ja byŭ niekalki miesiacaŭ tamu ŭ Krymie. Tut buduć adbyvacca tolki pazityŭnyja rečy, tak jak praŭda na vašym baku», — skazaŭ Ternier.
Jon dadaŭ, što vyrašyŭ pryjechać, niahledziačy na papiaredžańni uładaŭ ZŠA.
Ternier taksama pryznaŭsia, što hatovy pierajechać u Biełaruś: «Ja niekamfortna pačuvajusia ŭ ZŠA i nie zhodny z palityčnymi rašeńniami amierykanskich uładaŭ. Hetaja kraina ciapier nie taja, u jakoj mianie vyhadavaŭ moj baćka».
Džo Lin Ternier pačaŭ muzyčnuju karjeru ŭ 1976 hodzie z vystupaŭ u studenckim rok-hurcie. U Rainbow jaho paklikaŭ Błekmar. Paśla raspadu hrupy Ternier vystupaŭ solna, pakul jaho nie zaprasili ŭ Deep Purple zamianić Iena Hiłana. U składzie roznych kalektyvaŭ jon zapisaŭ bolš za 30 albomaŭ i vypuściŭ 12 solnych płaścinak.
