Było
Stała
Kiroŭca sielhaspradpryjemstva «Savieckaja Biełaruś» pieršy pieravioz tysiaču ton ziernia. U haziecie «Dniaproviec» vyjšaŭ materyjał pra pieradavika pad zahałoŭkam: «Lepšy na advozcy ziernia». Ale niespadziavanka vyjšła z fotazdymkam kiroŭcy.
Jon stajaŭ z kvietkami na fonie svajho aŭtamabila z nadpisam «Chleb radzimie». Ale na zdymku kiroŭca zakryŭ hałavoj apošniuju častku słova «chleb» i atrymałasia «Ch… Radzimie». Na heta nie źviarnuli ŭvahu ni fatohraf, ni redaktar haziety, ale zaŭvažyli internet-karystalniki.
Sa zdymka pačali žartavać, a navina na sajcie «Dniaproŭca» sabrała rekordnyja 30 kamientaroŭ kštałtu: «Fota zalik! Padniało nastroj. A fatohraf u haziecie žartaŭnik».
Praz tydzień pieradavika pierafatahrafali ŭžo ŭ pravilnym rakursie, dla hetaha navat uručyli novy bukiet.
