Ustupnaja kampanija ŭ biełaruskich VNU ŭžo skončyłasia. Za hod kolkaść miescaŭ u internatach nie pavialičyłasia — i atrymać miesca bieź ilhot pa-raniejšamu dosyć składana. Tamu mnohim inšaharodnim studentam ŭsio-tki pryjdziecca zdymać žyllo.
REALTY.TUT.BY daviedaŭsia, kolki ciapier kaštuje źniać pakoj ci kvateru i jak pravilna vybrać ryełtara, kab nie zastacca biez žylla, zapłaciŭšy hrošy.
Na siońnia ŭ inšaharodniaha studenta jość dva varyjanty vyrašeńnia žyllovaha pytańnia: źniać žyllo pa pryvatnaj abjavie abo praz ahienctva nieruchomaści.
Ceny na pakoi ŭ stalicy siońnia — ad 1 da 2 miljonaŭ rubloŭ, raspaviała REALTY.TUT.BY namieśnik dyrektara pa arendzie žylla ahienctva nieruchomaści «Tvaja stalica» Natalla Radzienia. I bolšaść z prapanavanaha žylla z ramontam, meblaj i bytavoj technikaj. U Breście, Viciebsku, Homieli, Mahilovie i Hrodnie košty na pakoi pačynajucca ad 700 tysiač rubloŭ.
Jość taksama varyjant źniać kvateru. Siońnia ceny na arendu ŭ Minsku trymajucca na ŭzroŭni červienia: adnapakajovyja kvatery kaštujuć ad 200 dalaraŭ u miesiac, «dvuški» — ad 280 dalaraŭ. Ceny na trochpakajoŭki, jakija možna źniać na niekalki čałaviek, pačynajucca ad 300 dalaraŭ.
U abłasnych centrach košt arendy adnapakajovaj kvatery pačynajecca ad 120 dalaraŭ za miesiac. Dvuchpakajovyja tam buduć kaštavać ad 230 dalaraŭ, a trochpakajovyja — ad 300 dalaraŭ.
Pavodle ryełtara, kali raniej ŭładalniki kvater nie vielmi achvotna zdavali svaje kvadratnyja mietry studentam, to zaraz praź nizki popyt na rynku žylla, jany hatovyja zdavać ich i učorašnim školnikam.
Darečy, u tych, chto pastupiŭ u BDU, jość jašče adzin varyjant pošuku žylla — univiersitet sam farmuje bazu kvater i pakojaŭ, jakija zdajucca ŭ arendu, i prapanuje ich tym, kamu nie chapiła miesca ŭ internacie.
«Adrasy kvater, čyje ŭłaśniki adhuknulisia na abjavy, my ŭnosim ŭ kampjutar i kožny student, jaki zachodzić na naš sajt, moža znajści sabie prydatnaje žyllo. Pakolki pasiarednika ŭ vyhladzie ahienctva niama, to i košty na kvatery i pakoi ŭ našaj bazie krychu nižejšyja za rynkavyja», — raspaviała dyrektar studenckaha haradka Ała Mielech.
Pahladzieć bazu kvater i pakojaŭ moža tolki student BDU na sajcie studharadka, uvioŭšy numar svajho studenckaha bileta.
Śpiecyjalist tłumačyć, što dla harantavanaha zasialeńnia lepš za ŭsio, kab ŭłaśnik kvatery sustreŭsia z baćkami studenta. Tak haspadaram budzie spakajniej.
— Bo baćki vystupajuć harantam spakoju ŭładalnika kvatery i svoječasovaj apłaty, — raić śpiecyjalist.
Da taho ž, treba być uvažlivym pry vybary ahienta, jakoha vy najmajecie dla pošuku kvatery. I pamiatać, što siońnia isnuje dva napramki raboty ahientaŭ: ahienty, jakija pracujuć pa fakcie i akazvajuć ryełtarskuju pasłuhu i ahienty, jakija pracujuć ź pieradapłataj, ale jakija pradajuć tolki infarmacyju. U apošnim vypadku vy zapłacicie hrošy i atrymajecie śpis adrasoŭ kvater, jakija buduć albo nie adpaviadać vašym zapytam, albo mohuć być užo zdadzienyja. Vierahodnaść źniać kvateru takim čynam vielmi nievysokaja.
— Lepš źviartacca da ahientaŭ, jakija pracujuć pa fakcie zasialeńnia. Apłata za pasłuhi robicca tolki paśla taho, jak vy źniali kvateru, — kaža Natalla Radzienia. — Usie ahienctvy, jakija pracujuć pa fakcie, abaviazany pracavać pa taryfach, zaćvierdžanych Savietam Ministraŭ Respubliki Biełaruś. Taryf zaležyć ad pieraliku akazvajemych pasłuh, ale, kali my havorym pra pošuk biudžetnaha žylla, to jon składzie 10 bazavych vieličyń (1,8 miljona rubloŭ — TUT.BY).
Za hetyja hrošy ryełtar pierš za ŭsio składzie dahavor, znojdzie vam varyjanty kvater, jakija padychodziać pad vašyja patrabavańni, pahladzić hetyja kvatery razam z vami.
Kali vy vyznačycie kvateru, jakuju žadajecie źniać, možna składać damovu z ułaśnikam žylla ŭ raźlikova-daviedačnym centry. A ŭžo paśla viartacca ŭ ahienctva, apłačvać pasłuhu ahienta, zabirać dahavor i ček.
Akramia taho, jak i ŭ vypadku sa źjemam žylla praz ahienta, tak i pry arendzie pa pryvatnaj abjavie, treba pamiatać niekalki važnych praviłaŭ, kab potym nie apynucca ŭ niepryjemnaj situacyi.
— Padpisvajcie damovu, hrošy addavajcie tolki paśla zaklučeńnia dahavora
Dahavor zaklučajecca ŭ raźlikova-daviedačnym centry, dzie pravierać, ci maje prava haspadar kvatery zdavać jaje. Machlary, jakija pierazdajuć kvateru niekalkim davierlivym hramadzianam nie pieravialisia. I adroźnić prystojnaha čałavieka ad machlara niaprosta.
— Chaj haspadara pravierać baćki
Baćki abaviazkova pavinny paznajomicca z haspadarom kvatery, a tym bolš — pakoja i ahavaryć usie niuansy: naprykład, jakoj meblaj i bytavoj technikaj u kvatery možna karystacca, ci mohuć da studenta prychodzić siabry i inš. Kali havorka idzie pra pakoj, abaviazkova treba vyznačycca, kolki žylcu budzie dazvolena siadzieć u vannaj, karystacca telefonam, kuchniaj. Ci budzie mieć prava haspadar pakoja zachodzić u jaho, kali žylca niama i tym bolš — kali jon jość. Baćki, u adroźnieńnie ad ŭčorašniaha školnika, chutčej vyznačać adekvatnaść haspadara kvatery.
— Prapisvajcie ŭ damovie važnyja niuansy
Kali vy zdymajecie kvateru, to ŭ damovie z uładalnikam lepš za ŭsio prapisać takija važnyja momanty jak: kolki razoŭ na miesiac i kali (až da dakładnaha liku) ŭłaśnik žylla budzie pryjazdžać i praviarać stan žylla i brać płatu, prapisać kolkaść i stan mebli ŭ kvatery. Nie treba chvalavacca, što ŭ typavy dahavor hetyja punkty nie ŭłaziać — składzicie dadatak da damovy. Inakš pry vysialeńni možacie atrymać šmat dadatkovych pretenzij.
— Biarycie raśpiski z haspadara
Ci nie pałova arandataraŭ sutykajecca ź dziŭnaj niepamiatlivaściu haspadaroŭ. Asabliva pry vysialeńni. Tyja raptam zabyvajuć, što zaŭsiody atrymlivali hrošy za miesiac napierad, i što vy, dažyŭšy hety miesiac, ničoha im nie pavinny. Tamu kožny raz pry apłacie fiksujcie pieradaču hrošaj piśmova. Naprykład: «Ja, taki, 1 vieraśnia atrymaŭ stolki ad takoha za arendu kvatery z 1 vieraśnia pa 1 kastryčnika». Data, podpis.
