Kinakampanija Weinstein Company apublikavała ŭ internecie pieršy trejler novaha viesterna Kviencina Tarancina. Karcina «Miarzotnaja vaśmiorka» źjavicca na ekranach 25 śniežnia 2015 hoda. Ab hetym paviedamlajecca ŭ apisańni rolika na YouTube. U Biełarusi, imavierna, premjera adbudziecca 8 studzienia 2016 h.
Dziejańnie filma adbyvajecca praź niekalki hadoŭ paśla zakančeńnia Hramadzianskaj vajny ŭ ZŠA. Ratujučysia ad śniežnaj bury ŭ harach, u adnym domie akazvajucca palaŭničyja za hałovami, złačyncy, kat, kaŭboj, a taksama hienierał i sałdaty armij Poŭnačy i Poŭdnia.
Zdymki viesterna, u jakim syhrali Kurt Raseł, Semiujel Ł. Džeksan, Cim Rot i Čeninh Tatum, prachodzili ŭ štacie Kałarada. Pa słovach Tarancina, karcina nijak nie źviazanaja ź jaho papiaredniaj pracaj u hetym žanry, stužkaj «Džanha vyzvaleny», jakaja vyjšła na ekrany ŭ 2012 hodzie.
