Jak paviedamlała »Naša Niva», 12 žniŭnia Kamitet dziaržaŭnaj biaśpieki pryniaŭ pastanovu, pavodle jakoj byŭ aryštavany katedž biznesmiena Uładzimira Japryncava ŭ Drazdach.
Na nastupny dzień pra situacyju byŭ prainfarmavany Biełaruski narodny bank, u jakim Japryncaŭ maje ipateku.
Narešcie, 17 žniŭnia katedž byŭ aryštavany.
Karespandent «Našaj Nivy» ranicaj 20 žniŭnia naviedaŭ Drazdy. Vonkava pra aryšt doma Japryncava nie nahadvaje ničoha.
U padobnaj situacyi, kali pad śledstva trapiŭ namieśnik ministra enierhietyki Eduard Taŭpianiec, na varotach jahonaha katedža ŭ Drazdach visieła papierka ź piačatkaj pravaachoŭnikaŭ.
Na zvanok u dźviery katedža Japryncava nichto nie adreahavaŭ — nikoha doma niama.