Naviedvańnie respublikanskaha łandšaftnaha zakaźnika «Almanskija bałoty» z 25 žniŭnia dla zamiežnych hramadzian i asob biez hramadzianstva, jakija časova znachodziacca i časova pražyvajuć u Biełarusi, budzie kaštavać siem bazavych vieličyń.
Heta vynikaje z rašeńnia Stolinskaha rajvykankama №1428 ad 29 lipienia 2015 hoda, jakoje apublikavana na Nacyjanalnym pravavym internet-partale.
Płata ŭvodzicca na padstavie ŭkaza numar 337 ad 21 lipienia 2015 hoda «Ab pytańniach naviedvańnia zakaźnika». Pry hetym u 2016 hodzie płata ŭzraście i składzie ŭžo dziesiać bazavych vieličyń (adna bazavaja ciapier Br180 tys.).
«Uniasieńnie płaty pravodzicca adnačasova ŭ rajonny biudžet na raźlikovy rachunak 3600226002419 filijała numar 121 adkrytaha akcyjaniernaha tavarystva «AAB Biełarusbank» h.Pinska, MFA 150501854, UNP 200676206, naznačeńnie płaciažu 05520», - adznačajecca ŭ dakumiencie.
Kantrol za vykanańniem rašeńnia ŭskładzieny na Stolinskuju inśpiekcyju pryrodnych resursaŭ i achovy navakolnaha asiarodździa, dziaržaŭnuju pryrodaachoŭnuju ŭstanovu «Zakaźniki respublikanskaha značeńnia «Siaredniaja Prypiać» i «Almanskija bałoty», dziaržaŭnuju lesahaspadarčuju ŭstanovu «Paleski lashas», dziaržaŭnuju lesahaspadarčuju ŭstanovu «Stolinski lashas» i Pinski pahraničny atrad.
Rajon Almanskich bałot papularny ŭ źbiralnikaŭ jahad, jakija prychodziać z terytoryi Ukrainy. Jak paviedamlałasia, u lipieni 2011 hoda žycharam kala dziasiatka ŭkrainskich viosak, što znachodziacca pablizu hranicy, pa rašeńni Prezidenta Biełarusi Alaksandra Łukašenki było dazvolena źbirać lasnyja jahady i hryby na biełaruskaj terytoryi. Adpaviedny dakumient byŭ padpisany niepasredna na hranicy kiraŭnikami pahranviedamstvaŭ Biełarusi i Ukrainy.
