fota Siarhieja Hudzilina
Lidar partyi «Spraviadlivy śviet» Siarhiej Kalakin paviedamiŭ, što za jaho vyłučeńnie kandydatam u prezidenty sabrana krychu bolš za 64 tysiačy podpisaŭ ź nieabchodnych 100 tysiač. Hetyja vyniki kampanii pa zbory podpisaŭ jon ahučyŭ siońnia žurnalistam. Asnoŭnaj pryčynaj pravału nazyvaje palityčnuju apatyju biełaruskaha hramadstva i strach.
Kalakin taksama ŭpeŭnieny, što, aproč Łukašenki, nichto z pretendentaŭ na prezidenckuju pasadu nie sabraŭ patrebnuju kolkaść aŭtohrafaŭ hramadzian.
«Što tyčycca Taćciany Karatkievič, — skazaŭ Kalakin, — to jaje ŭdzieł u vybarach, jaje rehistracyja dla mianie stanie śviedčańniem, što jaje kamanda pajšła na ździełku z uładaj. U tym vypadku, kali kamanda Karatkievič pojdzie na ździełku z sumleńniem i z uładaj, to my nie budziem bolš razhladać «Havary praŭdu» jak demakratyčnuju arhanizacyju i spynim ź joj usialakija palityčnyja kantakty. My ich budziem razhladać u adnym šerahu z praŭładnymi arhanizacyjami, takimi jak «Biełaja Ruś», BRSM i hetak dalej».
Tych ludziej, jakija za jaho padpisalisia, Kalakin zaklikaje hałasavać suprać usich.