Žycharka Čačerska zatrymanaja pa padazreńni ŭ naŭmysnym pryčynieńni ciažkich cialesnych paškodžańniaŭ inšaj žančynie.
Kanflikt adbyŭsia na leciščy, jakoje znachodzicca ŭ miežach rajonnaha centra.
41-hadovaja žančyna, pryjšoŭšy na lecišča, zaśpieła muža z hościaj. Paśla hetaha adbyŭsia skandał. Naliŭšy ŭ kubak bienzin, jaki stajaŭ u vierandzie, haspadynia linuła na nohi 38-hadovaj paciarpiełaj dy kinuła zapałku.
U vyniku žančyna atrymała apioki 1, 2 i 3 stupieni z paškodžańniem 18% cieła. U jaje taksama apiokavaja chvaroba i termainhalacyjnaja traŭma. Paciarpiełaja špitalizavana ŭ balnicu.
Haradžanka, padazravanaja ŭ złačynstvie, zatrymanaja i ciapier znachodzicca ŭ IČU. Pa fakcie naŭmysnaha pryčynieńnia ciažkich cialesnych paškodžańniaŭ zaviedziena kryminalnaja sprava.
