Terytaryjalnyja kamisii zaviaršyli pryjom podpisaŭ ad inicyjatyŭnych hrup, paviedamlaje BIEŁTA.
U Biełarusi technałohija pravierki sapraŭdnaści zdadzienych u padtrymku vyłučeńnia patencyjnych kandydataŭ aŭtohrafaŭ adpracavanaja z hadami, ličyć Lidzija Jarmošyna.
«Usie podpisy pastupajuć u rajonnyja kamisii, pry hetym ich pryjomka adznačajecca ŭ žurnale, dzie raśpisvajecca člen kamisii. Zdavać podpisy pavinien kaardynatar pa rajonie», — rastłumačyła Lidzija Jarmošyna.
Paśla akta zdačy-pryjomki listy ahladajucca, vyklučajucca tyja podpisy, jakija nie padlahajuć praviercy. Dalej pa kožnaj hrupie adbirajecca adnolkavy pracent pakinutych aŭtohrafaŭ. «Vykažam zdahadku, što hrupa zdała ŭ rajonnuju vybarčuju kamisiju 6 tys. podpisaŭ — adpaviedna, u jaje pavinna być adabrana dla pravierki nie mienš za 20% (1,2 tys.)», — zaŭvažyła staršynia CVK.
Pa vynikach pravierki vyjaŭlenyja defiekty buduć anulavanyja. Kali bolš za 15% pravieranych podpisaŭ buduć pryznanyja niesapraŭdnymi, usie podpisy, sabranyja pa dadzienym rajonie, nie ŭličvajucca.
Pavodle Jarmošynaj, inicyjatyŭnyja hrupy, jakija pradstavili dla pravierki roŭna 100 tys. podpisaŭ ci krychu bolš za hetu kolkaść, vielmi ryzykujuć. «U vyniku, vierahodna, tysiača-inšaja adpadzie i moža zastacca mienš za 100 tys.», — adznačyła Lidzija Jarmošyna.
