Uvachod Polščy ŭ mirnych pieramoŭ pa Danbasie niemahčymy, bo tut «upłyŭ akazvajuć macniejšyja». Pra heta zajaviŭ ministr zamiežnych spraŭ Polščy Hžehaž Schetyna.

«Skažam prosta. Naš uvachod da hetaha farmatu abo stvareńnie novaha mahčyma, kali b na heta pahadzilisia ŭsie baki. Viadoma, što tak nie budzie, niemahčyma, kab my pryniali ŭdzieł u hetych razmovach», — skazaŭ jon.

U toj ža čas Schetyna pryznaŭ, što słovy prezidenta Ukrainy Piatra Parašenki ab niemahčymaści zamieny narmandskaha farmatu byli dla jaho «nie samymi pryjemnymi». Na jaho dumku, ciapier važna pačakać i pahladzieć, jak budzie raźvivacca dziejnaść narmandskaha farmatu.

«Była zajava prezidenta Dudy i byŭ vielmi vyrazny adkaz Piatra Parašenki, što narmandski farmat źjaŭlajecca dastatkovym i niama nieabchodnaści jaho pašyreńnia», - nahadaŭ ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?