Sakratar Rady biaśpieki RF Mikałaj Patrušaŭ patrabuje ad čynoŭnikaŭ bolej nie vykarystoŭvać Google, Yahoo i WhatsApp.

Pra heta jon skazaŭ na vyjaznoj naradzie va Uładzivastoku, pieradaje TASS.

«Supracoŭnikami orhanaŭ dziaržaŭnaj ułady Chabaraŭskaha kraja vykarystoŭvalisia mahčymaści cełaha šerahu zamiežnych infarmacyjna-telekamunikacyjnych servisaŭ, takich jak Google, Yahoo, WhatsApp i inšych», — zajaviŭ jon.

Pavodle jaho słoŭ, heta sistemnaje pytańnie, ale na Dalokim Uschodzie jon staić asabliva vostra. «Prašu kiraŭnikoŭ rehijonaŭ akruhi źviarnuć na hetyja pytańni asablivuju ŭvahu i pryniać adpaviednyja miery», — daručyŭ kiraŭnik RB RF.

Patrušaŭ ličyć, što vykarystańnie čynoŭnikami dla vyrašeńnia słužbovych pytańniaŭ resursaŭ, raźmieščanych za miežami RF, ujaŭlaje surjoznuju niebiaśpieku.

Nahadajem, raniej «Roskomnadzor» daručyŭ pravajdaram zabłakavać «Vikipiedyju» z-za artykuła ab čarasie. Paźniej jaje razbłakavali.

Клас
0
Панылы сорам
0
Ха-ха
0
Ого
0
Сумна
0
Абуральна
0