Muzykant Barys Hrabienščykoŭ mienš čym za dva dni sabraŭ 3 młn rasijskich rubloŭ na zapis novaha alboma.
ria.ru
Zbor srodkaŭ pravodziŭsia na kraudfandynhavym partale planeta.ru. Muzykant raźličvaŭ sabrać nieabchodnyja srodki za 110 dzion, adnak nasamreč kampanija zaviaršyłasia krychu bolš čym za sutki.
Zbor srodkaŭ pačaŭsia 1 vieraśnia, a ŭžo dniom 2 vieraśnia suma achviaravańniaŭ na zapis novaha alboma Hrabienščykova i jaho hrupy «Akvaryum» dasiahnuła nieabchodnych 3 młn rasijskich rubloŭ.
Muzykant pakul nie prakamientavaŭ zaviaršeńnie kraudfandynhavaj kampanii. Raniej jon tłumačyŭ, što pierš zapis płaścinak akupaŭsia za košt vyručki ź ich prodažu, adnak u stahodździe internetu hukapis usio jašče kaštuje hrošaj, adnak užo nie prynosić ich.
Papiaredni albom Barysa Hrabienščykova pad nazvaj «Sol» vyjšaŭ u listapadzie 2014 hoda i atrymaŭ zachoplenyja vodhuki krytykaŭ. Nazva novaha alboma muzyki pakul nie viadoma.
