Mižnarodny dziaržaŭny ekałahičny instytut im. A.D. Sacharava z 1 vieraśnia uklučany ŭ skład kompleksu BDU ŭ jakaści jurydyčnaj asoby, paviedamlaje pres-słužba Biełdziaržuniviersiteta.
Rašeńnie ab rearhanizacyi było pryniata ŭ mai na ŭzroŭni ŭrada. Zaniatki buduć prachodzić na starych płoščach VNU — na vulicy Daŭhabrodskaj u Minsku.
Dyrektaram instytuta imia Sacharava pryznačany Maskievič Siarhiej Alaksandravič. Adpaviedny zahad 31 žniŭnia padpisaŭ rektar BDU akademik Siarhiej Abłamiejka, havorycca ŭ paviedamleńni.
Siarhiej Maskievič
Maskievič Siarhiej Alaksandravič — doktar fizika-matematyčnych navuk, prafiesar. Skončyŭ Hrodzienski piedahahičny instytut pa śpiecyjalnaści «fizika». Abaraniŭ kandydackuju i doktarskuju dysiertacyi pa fizika-matematyčnych navukach. U 1997—2005 hh. byŭ rektaram Hrodzienskaha dziaržaŭnaha ŭniviersiteta im. Janki Kupały. Z 29 śniežnia 2010 h. pa 27 śniežnia 2014 hoda — ministr adukacyi Respubliki Biełaruś. Aŭtar bolš za 250 navukovych prac pa fizicy malekuł i mieniedžmientu ŭ adukacyi.
Prarektar pa navukovaj rabocie Siarhiej Paźniak, jaki vykonvaŭ abaviazki kiraŭnika VNU, atrymaŭ pasadu pieršaha namieśnika dyrektara MHEI BDU.
Čytajcie taksama: Siarhiej Maskievič, jakoha prysaromiŭ Łukašenka: historyja žyćcia ministra i jaho «amierykanskich» dziaciej
