Kiraŭnikoŭ Rahačoŭskaha i Čašnickaha rajonnych vykankamaŭ padazrajuć u karupcyi. Słužbovyja asoby zatrymanyja. Ich dziejańni kvalifikavanyja jak złoŭžyvańnie słužbovymi paŭnamoctvami słužbovaj asobaj, jakaja zajmaje adkaznuju pasadu (č. 3 art. 424 KK).
SK rasśleduje kryminalnyja spravy ab karupcyjnych złačynstvach, zaviedzienyja ŭ dačynieńni da staršyniaŭ Rahačoŭskaha i Čašnickaha rajonnych vykanaŭčych kamitetaŭ, paviedamlaje pres-słužba viedamstva.
Śledstva vyjaviła, što staršynia Čašnickaha rajonnaha vykankama ź lipienia 2011 hoda ŭ maj 2015 hoda z karyślivych mierkavańniaŭ złoŭžyvaŭ słužbovymi paŭnamoctvami. Jon davaŭ ukazańni kiraŭnikam pradpryjemstvaŭ i arhanizacyj Čašnickaha rajona, kab tyja addavali jamu i členam jaho siamji hrošy i inšyja kaštoŭnaści, a taksama akazvali pasłuh biaspłatna.
Kiraŭnik Rahačoŭskaha rajonnaha vykankama zajmaŭ u 2010-2013 hadach pasadu pieršaha namieśnika — načalnika ŭpraŭleńnia sielskaj haspadarki i charčavańnia Rahačoŭskaha rajonnaha vykanaŭčaha kamiteta. Jon vyrašyŭ zekanomić na budaŭnictvie svajoj chaty i davaŭ ukazańni kiraŭnikam pradpryjemstvaŭ rajona ab pieradačy jamu pa zanižanych cenach tavarna-materyjalnych kaštoŭnaściaŭ, ab akazańni i pradastaŭleńni pasłuh biez poŭnaj apłaty.
