Raźmiaščeńnie zamiežnych vajennych baz na terytoryi Biełarusi niasie pahrozu nacyjanalnaj biaśpiecy krainy, zajaviła BiełaPAN pretendent na pasadu prezidenta aktyvistka kampanii «Havary praŭdu» Taćciana Karatkievič.
«Takija bazy zrobiać Biełaruś mišeńniu i źjaŭlajucca pahrozaj dla našaj nacyjanalnaj biaśpieki, — zajaviła jana. — Uličvajučy kanflikt va Ukrainie, biezadkazna naroščvać uzbrajeńni inšaj krainy na našaj terytoryi i ŭ cełym u rehijonie, bo hetaja «strelba» moža strelić u luby momant. My pavinny zrabić usio, kab realizavać artykuł našaj Kanstytucyi i być niejtralnaj jeŭrapiejskaj krainaj. Heta załoh miru».
Pytańnie ab nakiravańni prezidentu RF Uładzimiru Pucinu prapanovy ab padpisańni pahadnieńnia ź Biełaruśsiu ab rasijskaj avijacyjnaj bazie na jaje terytoryi ŭniesienaje ŭ paradak dnia siońniašniaha pasiadžeńnia rasijskaha ŭrada. Jak paviedamlaje sajt rasijskaha kabinieta ministraŭ, pahadnieńnie «budzie sadziejničać arhanizacyi sumiesnaj achovy źniešniaj miažy Sajuznaj dziaržavy ŭ pavietranaj prastory i stvareńniu Adzinaj rehijanalnaj sistemy supraćpavietranaj abarony Rasijskaj Fiederacyi i Respubliki Biełaruś». «Akramia taho, pałažeńni pahadnieńnia doŭhaterminova zamacujuć rasijskuju vajennuju prysutnaść u rehijonie i buduć sadziejničać umacavańniu jaho biaśpieki», — havorycca ŭ paviedamleńni.
