Z 2011 hoda, kali palihrafičny kambinat pa adrasie Čyrvonaja, 23 abjadnaŭsia ź Minskaj fabrykaj kalarovaha druku, vialikaje pamiaškańnie ŭ centry Minska było vystaŭlena na prodaž.
Ciaham dvuch hadoŭ uładalniki nie mahli pradać budynak, mahčyma z-za jaho koštu — 407,2 młrd rubloŭ. Ale ŭžo ŭ 2013 hodzie stała viadoma, što pamiž Minharvykankamam i sietkaj hatelaŭ i kazino «Minsk Prynces Hatel» (uładalnik — tureckaja kampanija Princess International) była zaklučana damova ab nabyćci vialikaj płoščy.
Na samim budynku ŭžo siońnia pašpart abjekta.
Na sajcie kampanii pakul ničoha nie paviedamlajecca. Ale jak bačna na fota, abjekt budzie zdadzieny ŭ mai 2019 hoda.
Na abjekt patrapić niemahčyma, ale jak vidać praz ščylinu rabočyja ŭžo rychtujuć placoŭku dla budaŭnictva.
Zajaŭlajecca, što novy hatel budzie piacizorkavym. Na siońnia, darečy, u Minsku tolki čatyry supierdarahich, piacizorkavych hatelaŭ — «Jeŭropa», «Piekin», «Kraŭn Płaza» i «Prezident-hatel».
Haściničny kompleks budzie ŭklučać u siabie 207 dvuchmiesnych, 8 čatyrochmiascovych, 35 dvuchmiesnych dvuchuzroŭnievych numaroŭ, parkinh na 300 mašynamiescaŭ, kinazału, dziciačuju hulniavuju zonu, fud-korty, kłub i, kaniešnie, kazino.
Stan budynku z unutraha dvaru jašče horš, čym z vonkavaha.
Nie ŭsie žychary bližejšych damoŭ zhodnyja z takim rašeńniem, tamu da 9 vieraśnia projduć hramadskija słuchańni.