Prezident ZŠA Barak Abama zaručyŭsia padtrymkaj 34 sienataraŭ, jakija vykazalisia za pahadnieńnie pa jadziernaj prahramie Irana.
Nieabchodny 34 hołas harantavała sienatar-demakrat ad štata Merylend Barbara Mikałski. Pavodle jaje słoŭ, kompleksny płan dziejańniaŭ źjaŭlajecca lepšaj mahčymaściu pieraškodzić Iranu atrymać jadziernuju zbroju. Adnak, dadała Mikałski, nivodnaja ździełka nie moža być daskanałaj, asabliva kali havorka idzie pra iranski režym.
Padtrymka 34 sienataraŭ daje Abamie mahčymaść nakłaści vieta na rezalucyju ŭ vypadku, kali kanhres pasprabuje zabłakavać ździełku ź Iranam. Siarod 34 sienataraŭ dvoje — niezaležnyja, 32 — demakraty.
14 lipienia ŭ Vienie Iran i krainy «šaściorki» (ZŠA, Francyja, Vialikabrytanija, Hiermanija, Kitaj i Rasija) dasiahnuli pahadnieńnia pa iranskaj jadziernaj prahramie ŭ abmien na admienu sankcyj suprać Tehierana. U ZŠA členy Respublikanskaj partyi aktyŭna vystupali suprać pahadnieńnia, ukazvajučy na zanadta vialikuju kolkaść sastupak Iranu.
