Maskva zajaŭlaje, što jurydyčnaja mahčymaść abmienu narodnaha deputata Ukrainy Nadziei Saŭčanka na rasijskich vajskoŭcaŭ, zatrymanych na Danbasie, źjavicca tolki na padstavie dypłamatyčnych damoŭlenaściej. Pra heta paviedamiŭ kiraŭnik Miniusta RF Alaksandr Kanavałaŭ.
«Jurydyčnaja mahčymaść byvaje pa roznych padstavach, na padstavie isnujučych dvuchbakovych, kanviencyjnych, pa dypłamatyčnych kanałach. Jak praviła, takija pytańni vyrašajucca pa dypłamatyčnych kanałach», — skazaŭ Kanavałaŭ.
Razam z tym jon dadaŭ, što pakolki zatrymanyja abvinavačvajucca ŭ kryminalnych złačynstvach, to nieabchodna ŭ hetym vypadku pryciahnuć asudžanych da taho abo inšamu vidu pakarańnia ŭ adpaviednaści z zakonam.
Jak paviedamlałasia, Dziaržaŭny departamient ZŠA abviaściŭ pra pačatak kampanii pa vyzvaleńni 20 žančyn, jakija byli niespraviadliva asudžanyja pa palityčnych ci inšych matyvach.
U śpisie, siarod inšych, ŭkrainskaja lotčyca i narodny deputat Nadzieja Saŭčanka.
