Z 2 pa 5 vieraśnia prachodzić vizit u Biełaruś upaŭnavažanaha MZS FRH pa pytańniach supracoŭnictva z hramadzianskimi inicyjatyvami Rasii, Centralnaj Azii i krain Uschodniaha partniorstva Hiernata Erlera, paviedamiła pres-słužba źniešniepalityčnaha viedamstva. Jon sustreniecca z pradstaŭnikami ŭład i hramadzianskaj supolnaści.
«Vyzvaleńnie palitźniavolenych 22 žniŭnia źjaŭlajecca pazityŭnym sihnałam dla adnosin Biełarusi z Hiermanijaj i Jeŭrapiejskim sajuzam. My b chacieli aktyvizavać naš ahulny dyjałoh. U toj ža čas hałoŭnaje značeńnie pa-raniejšamu maje praviadzieńnie svabodnych i sumlennych prezidenckich vybaraŭ u kastryčniku. My spadziajemsia, što ABSIE zmoža bieśpieraškodna nazirać za vybarami i zaśviedčyć prahres u pytańni vykanańnia standartaŭ ABSIE», — zajaviŭ Erler z nahody vizitu.
U mai hetaha hoda Hiernat Erler pryjazdžaŭ u Biełaruś dla ŭdziełu ŭ mierapryjemstvach u suviazi z 70-hodździem pieramohi nad fašyzmam.
