Čempijon Aŭstralii pa stryžcy aviečak Ien Ełkin sastryh z zarosłaj aviečki-mierynosa 40 kiłahramaŭ voŭny, ustalavaŭšy tym samym novy suśvietny rekord.
Pa patrabavańni abaroncaŭ pravoŭ žyvioł aviečku na čas apieracyi źmiaścili pad narkoz. Ełkinu spatrebiłasia 45 chvilin na toje, kab vyzvalić žyviołu ad 47-santymietrovaha płasta voŭny.
Ahienctva Asašyejted Pres padličyła, što sastryžanyja z aviečki 40 kiłahramaŭ voŭny chopić na toje, kab źviazać 30 švedraŭ. Pa vynikach stryžki aviečka skinuła pałovu svajoj vahi.
Ełkin zajaviŭ, što, miarkujučy pa kolkaści voŭny, aviečku stryhli ŭpieršyniu ŭ jaje žyćci. Uzrost žyvioły jon acaniŭ u piać-šeść hadoŭ. Na dumku aŭstralijskaha čempijona, biez umiašalnictva z boku ludziej aviečka zahinuła b na praciahu niekalkich tydniaŭ.