GREG BAKER / AFP
Kitaj na paradzie ŭ honar 70-hodździa Pieramohi ŭ Druhoj suśvietnaj vajnie prademanstravaŭ supraćkarabielnuju balistyčnuju rakietu siaredniaj dalokaści Dunfen-21D (DF-21D, «Uschodni viecier»), adznačaje vydańnie The Fortune.
Fota RIA Naviny / Alaksiej Družynin
Ekśpierty nazyvajuć rakietu DF-21D «zabojcam avijanoscaŭ» i ličać, što jana całkam zdolnaja paražać amierykanskija karabli. Pry hetym avijanoscy ZŠA źjaŭlajucca adnoj z samych pryncypovych składnikaŭ sistemy biaśpieki, jakuju Vašynhton harantuje svaim sajuźnikam, u pryvatnaści Japonii, adznačaje vydańnie.
DF-21D. Fota sajta Errymath
DF-21D źniščajuć mulaž avijanosca padčas vajennych vučeńniaŭ. Fota sajta Errymath
Rakiety DF-21D, dalokaść palotu jakich — ad 900 da 1500 km, zdolnyja kantralavać akvatoryi Paŭdniova-Kitajskaha mora, što pierakryje dostup Vajenna-marskim siłam ZŠA ŭ mnohija patencyjna kanfliktnyja rajony, u pryvatnaści ŭ Tajvański praliŭ. Takim čynam, Kitaj z dapamohaj novaj zbroi zdolny całkam źmianić bałans sił u Azijacka-Cichaakijanskim rehijonie, havorycca ŭ artykule.
«Heta zbroja adna z tych, što składajuć asnovu vykliku ŭ adras VMS ZŠA. Avijanoscy — siła, jakaja dazvalała Vajenna-marskomu fłotu ZŠA prajecyravać siłu daloka za miežami marskich miežaŭ krainy. Parad nahadvaje nam, što ciapier Kitaj — nie tolki macierykovaja, ale i marskaja dziaržava», — pryvodzić vydańnie The Australian Financial Review mierkavańnie prafiesara stratehičnych daśledavańniaŭ z Aŭstralijskaha nacyjanalnaha ŭniviersiteta Chju Uajta.
Fota REUTERS / Yao Dawei
Maštabny parad z nahody 70-hodździa Pieramohi kitajskaha naroda ŭ vajnie ź Japonijaj adbyŭsia ŭ čaćvier na płoščy Ciańańmeń u Piekinie.
Adnoj z hałoŭnych intryh paradu było pytańnie, jakuju mienavita techniku pakaža KNR. Arhanizatary abiacali, što kala 85% usioj techniki budzie pakazana šyrokaj publicy ŭpieršyniu. Usiaho na płoščy Ciańańmeń było prademanstravana 500 adzinak techniki, jaje było bolš za 40 typaŭ, a taksama kala 200 samalotaŭ i viertalotaŭ.
