Jak zajaviŭ BiełaPAN načalnik upraŭleńnia infarmacyi i suviazi z hramadskaściu Śledčaha kamiteta Biełarusi Siarhiej Kabakovič, rašeńnie ŭ dačynieńni da Alesia Michaleviča budzie prymacca ŭ adpaviednaści ź dziejučym kryminalna-pracesualnym zakanadaŭstvam.

Pavodle jaho słoŭ, ciapier u vytvorčaści ŭpraŭleńnia SK pa Minsku znachodzicca kryminalnaja sprava ŭ dačynieńni da Michaleviča pa č. 1 art. 293 KK (arhanizacyja masavych biesparadkaŭ, jakija supravadžalisia hvałtam nad asobaj, pahromami, padpałami, źniščeńniem majomaści abo uzbrojenym supracivam pradstaŭnikam ułady).

Jaje rasśledavańnie było prypyniena ŭ adpaviednaści z p. 2 č. 1 art. 246 KPK pa pryčynie taho, što fihurant źbieh ad orhana kryminalnaha pieraśledu.

Nahadajem, u aŭtorak, 8 vieraśnia, eks-kandydat u prezidenty byŭ zatrymany na biełaruska-litoŭskaj miažy, «jak asoba, jakaja znachodzicca ŭ vyšuku» i pieradadzieny pamiežnikami supracoŭnikam milicyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?