Fota: minsknews.by
«Hazonny ŭčastak raźličany na 366 miescaŭ, — paviedamiŭ karespandentu ahienctva «Minsk-Naviny» zahadčyk mohiłak «Kałodziščy» Valancin Vołčak. — Bolšaść zakazčykaŭ reziervavali dadatkovaje miesca. Apošniaje novaje pachavańnie zroblenaje 9 vieraśnia, i ŭčastak začynili. Pašyryć jaho nie ŭjaŭlajecca mahčymym. U dalejšym na im možna chavać tolki na raniej vykuplenych miescach. Takich 155. Damova na dahlad mohiłak zaklučajecca na 5 hadoŭ. Pa zakančeńni hetaha terminu jaho, imavierna, buduć praciahvać. Ale ŭ lubym vypadku my budziem padtrymlivać paradak na terytoryi hazonnych pachavańniaŭ».
U žniŭni 2012 hoda na mohiłkach «Kałodziščy» była vydatkavanaja terytoryja ŭ 4800 m², na jakoj pačali rabić pachavańni ŭ ziamlu pa sproščanaj schiemie. Niahledziačy na niezvyčajnaść i značny košt, novy vid pachavańniaŭ akazaŭsia zapatrabavanym.
Pamier adnaho miesca składaje 1,4 m na 2,3 m. Zamiest nadmahilnaha pahorka na vyraŭnavanuju pavierchniu ziamli ŭkładvajecca pramavuholnaja hranitnaja plita peŭnaha ŭzoru, na jakuju ustaloŭvajecca padhałoŭnik z tekstam.
Vysadka kvietak, dreŭ, kustoŭ, kładka plitki, ustaloŭka aharodžaŭ, stolikaŭ, łavak i inšych architekturnych formaŭ zabaronienyja.
Dahladajuć hazonnyja pachavańni, u tym liku kosiać travu i prybirajuć śmiećcie, supracoŭniki mohiłak zhodna z zaklučanymi sa svajakami pachavanaha pahadnieńniami. Apošnija musiać adrazu apłacić kompleks pasłuh: nadmahilnuju plitu, jaje ŭstaloŭku i dahlad miesca (pieršaje pradastaŭlajecca biaspłatna).
Košt, pa apošnich źviestkach, dasiahnuŭ 20,5 młn rubloŭ. Taksama zakazčyk maje prava zareziervavać adno dadatkovaje miesca dla pachavańnia ŭ dalejšym blizkaha svajaka.
Na takich učastkach, jak i ŭ tradycyjnych mahiłach, dapuskajecca pachavańnie «trunu na trunu» pa zakančeńni 20 hadoŭ, a taksama padpachavańnie vurny z pracham niabožčyka. Taksama na mohiłkach «Kałodziščy» praktykujecca apuskańnie skryni ŭ ziamlu ŭ kałumbarnaj šklancy z ustaloŭkaj nievialikaha, nie vyšej za 50 sm, pomnika.
«Dla hetych metaŭ adviedzieny i dobraŭparadkavany śpiecyjalny ŭčastak, na jakim možna rabić pachavańni kala 500 vurnaŭ, — adznačyŭ Vołčak. — Pakul jon zapoŭnieny na 10%. Heta alternatyva pachavańniaŭ u kałumbarnych ścienach abo ŭ mahiłu. Anałahičny ŭčastak jość jašče tolki na «Paŭnočnych».
Jak paviedamiŭ namieśnik dyrektara UP «Śpieckambinat KBA» Siarhiej Tur, na adzinych adkrytych dla masavych pachavańniaŭ mohiłkach «Zachodnija» ŭładkavańnie ŭčastka dla hazonnych pachavańniaŭ nie płanujecca ŭ suviazi sa składanaj piasčana-hlinistaj hlebaj.
Adnak takaja mahčymaść budzie razhledžanaja pry budaŭnictvie novych mohiłak kala vioski Kaziekava Juzufaŭskaha sielsavietu, što prykładna ŭ 40 km ad Minska. Ciapier raspracoŭvajecca jaho prajekt.
