AP
Z pačatku hoda «500 tys. biežancaŭ prybyli ŭ Jeŭropu», tamu kryzis biežancaŭ «staŭ pieršym pryjarytetam dla Jeŭrasajuza». Pra heta zajaviŭ kiraŭnik Jeŭrakamisii Žan-Kłod Junkier na siesii Jeŭraparłamienta ŭ štohadovaj pramovy pra stan ES.
«Hetyja ludzi biahuć ad vajny ŭ Siryi, «Isłamskaj dziaržavy» ŭ Livii, dyktatury ŭ Erytrei», - ukazaŭ jon.
Jak udakładniŭ Junkier, asnoŭnuju masu biežancaŭ pryniali na siabie Hrecyja, kudy prybyli «bolš za 200 tys. biežancaŭ», Vienhryja, dzie zafiksavana prybyćcio «paradku 150 tys.» vymušanych pierasialencaŭ i Italija — «120 tys. biežancaŭ».
«Hetyja ličby ŭražvajuć, a niekatorych i pałochajuć. Adnak zaraz nie čas pałochacca, a čas pradprymać ŭzhodnienyja i rašučyja dziejańni namahańniami Jeŭrasajuza, jaho členaŭ i jaho instytutaŭ», - ukazaŭ kiraŭnik Jeŭrakamisii.
Urehulavańnie mihracyjnaha kryzisu, asabliva padkreśliŭ Junkier, «jość i pavinna zastavacca najpieršym pryjarytetam dla Jeŭrasajuza». «Samaje hałoŭnaje - heta pytańnie humannaści i čałaviečaj hodnaści», - skazaŭ jon.
Žan-Kłod Junkier zaklikaŭ uvieści jurydyčna abaviazvalnyja kvoty dla raźmierkavańnia ŭ krainach Jeŭrasajuza jašče 120 tysiač uciekačoŭ.
Pry hetym Junkier adznačyŭ, što 120 tysiač uciekačoŭ pavinny być raźmierkavany pamiž krainami ES u dadatak da tych 40 tysiačam mihrantam, jakich jon prapanoŭvaŭ pryniać jašče ŭ mai. Jon taksama źviarnuŭ uvahu na metazhodnaść raspracoŭki pastajannaj sistemy raźmierkavańnia biežancaŭ.
