Lidar Biełaruskaj patryjatyčnaj partyi i ŭdzielnik sioletniaj prezidenckaja kampanii Mikałaj Ułachovič u 1990-ch za svaje hrošy vydavaŭ hazietu «Ličnosť».
U asnoŭnym hazieta pisała pra zmovu jaŭrejaŭ, amierykancaŭ i jeŭrapiejcaŭ suprać stabilnaści ŭ Biełarusi, a taksama pra siekty, da jakich byli pryličanyja pratestanty.
BiełaPAN.
Hazieta vychodziła nierehularna z 1996 pa 2000 hod, nakład uvieś čas padaŭ —ad 10 da 2,5 tysiačy asobnikaŭ.
Prapanujem dla aznajamleńnia niekalki cytat z haziety, jakuju vydavaŭ Mikałaj Ułachovič.
«Nie sakret, što mienavita bujny jaŭrejski kapitał finansavaŭ pabudovu kancłahieraŭ dla jaŭrejaŭ u hitleraŭskaj Hiermanii. Ni adzin z bahatych jaŭrejaŭ u Hiermanii nie paciarpieŭ! Zatoje prostych, a značyć, bieskarysnych jaŭrejaŭ internavali i źmiaščali ŭ kancłahiery i hieta, kab bahatyja jaŭrei, zadavoliŭšy «suśvietny płač», zapatrabavali va ŭsiaho śvietu kampiensacyju (terytoryju dla pražyvańnia) jak «najbolš paciarpiełyja» ad Hitlera … Sijanisty vykarystoŭvali fašyzm u svaich karyślivych metach».
«Iŭdaizm i vytvornaje ad jaho — sijanizm, zaklikany raskładać i padryvać našy ruskija nacyjanalnyja asnovy, našu ruskuju nacyjanalnuju tradycyju, zaklikany zamianić našy ruskija ideały na fantomy: «ahulnačałaviečyja kaštoŭnaści», «demakratyja», «pravy čałavieka», — ź intervju z kiraŭnikom RNIE ŭ Biełarusi Hlebam Samojłavym.
naviny.by
Pra Marka Šahała: «Jon pradstaŭnik «chasidaŭ», siektanckaj płyni iŭdaizmu, vielmi varožaj pravasłaŭju».
U 1999 hodzie vydańnie atrymała aficyjnaje papiaredžańnie za raspalvańnie nacyjanalnaj i relihijnaj varožaści. Zrešty, navat paśla hetaha infarmacyjnaja palityka haziety asabliva nie źmianiłasia, choć proźvišča Ułachoviča źnikła sa śpisu zasnavalnikaŭ.
