U pasiołku Šełanhier respubliki Maryj Eł (Rasija) adkryli pomnik Iosifu Stalinu. Ab hetym paviedamlajecca na sajcie miascovaha adździaleńnia KPRF.
«Heta nie danina modzie. Apošnija sacyjałahičnyja daśledavańni pakazvajuć, što ŭ rasijskim hramadstvie ŭsio bolš ludziej ź simpatyjaj staviacca da asoby pravadyra i čałavieka, imia jakoha było niezasłužana zabyta ciaham 60 hadoŭ», - havorycca ŭ paviedamleńni.
Trochmietrovy Stalin ustalavany na terytoryi sielskahaspadarčaha kaapieratyva. Aŭtarami skulptury źjaŭlajucca Anatol i Halina Miadźviedzievy.
Na dumku kamunistaŭ, cikavaść da asoby savieckaha pravadyra vyrasła ŭ suviazi z padzieńniem pramysłovaj vytvorčaści i zachodnimi sankcyjami.
