Aleś Michalevič atrymaŭ pozvu ŭ Śledčy kamitet na 11 vieraśnia da śledčaha Dźmitryja Kupko. Palityka čakajuć na dopyt a 10-j ranicy. Pra heta Jeŭraradyjo raspavioŭ sam Aleś Michalevič:
«Vyklikajuć pa maim raniejšym statusie — u jakaści abvinavačanaha pa kryminalnaj spravie ab masavych biesparadkach. Padrabiazna mnie ničoha nie tłumačyli, vyklikali dla «praviadzieńnia śledčych dziejańniaŭ». Paabiacali, što zdolejuć zapisvać maje pakazańni pa-biełarusku».
Alesia Michaleviča zatrymali ŭ noč na 20 śniežnia 2010 hoda, paśla razhonu Płoščy. Paśla dvuch miesiacaŭ znachodžańnia ŭ śledčym izalatary KDB jaho vypuścili. Praz tydzień jon zrabiŭ hučnuju zajavu pra katavańni ŭ śledčym izalatary i jaho viarboŭku. Praź niejki čas Michalevič tajemna pakinuŭ krainu i ŭciok u Čechiju. 8 vieraśnia palityk viarnuŭsia ŭ Biełaruś.
