Premjer-ministr Andrej Kabiakoŭ padpisaŭ Miłanskuju chartyju — važny dakumient u śfiery suśvietnaj charčovaj biaśpieki, raspracavany śpiecyjalna dla «EKSPA-2015» u Miłanie.
Kiraŭnik biełaruskaha ŭrada pakinuŭ podpis pad chartyjaj u čas naviedvańnia nacyjanalnaha paviljona Italii, pieradaje karespandent BIEŁTA.
Miłanskaja chartyja, abo «Chartyja-2015», — ekśpiertna-navukovy dakumient pa pytańniach charčovaj biaśpieki, spraviadlivaha sacyjalnaha i hieahrafičnaha raźmierkavańnia charčovych resursaŭ, zdarovaha ładu žyćcia i sučasnaj miedycyny, jakaja prapanavana dla adabreńnia ŭradam usich krain - udzielnic vystaŭki i pryznačana ŭ dalejšym stać asnovaj dla mižnarodnych namahańniaŭ u hetych napramkach.
Zhodna z zadumaj arhanizataraŭ, Miłanskaja chartyja pavinna stać spadčynaj «EKSPA-2015», jakaja moža być svojeasablivym Kijockim pratakołam u halinie charčavańnia.
Paśla ekskursii Andrej Kabiakoŭ pravioŭ karotkija pierahavory ź italjanskaj delehacyjaj.
Premjer-ministr taksama pakinuŭ zapis u knizie hanarovych haściej italjanskaha paviljona. «Udziačny za ciopły pryjom i vydatnuju arhanizacyju ekskursii pa nacyjanalnym paviljonie Italjanskaj Respubliki na Suśvietnaj vystaŭcy «EKSPA-2015». Ekspazicyja ŭražvaje svajoj jarkaj kanceptualnaj vyraznaściu i cudoŭnym dyzajnam. Pryjemna jašče raz adznačyć blizkaść našych krain, u tym liku ŭ spravie vyrašeńnia hłabalnych prablem, ź jakimi sutykajecca siońnia čałaviectva. Upeŭnieny, što sumiesnymi namahańniami my zmožam zrabić jašče bolš», — havorycca ŭ zapisie.
9—10 vieraśnia prachodzić vizit biełaruskaj delehacyi ŭ Italiju dla ŭdziełu ŭ Nacyjanalnym dni Biełarusi na vystaŭcy «EKSPA-2015» u Miłanie. Uznačalvaje delehacyju premjer-ministr Andrej Kabiakoŭ.
Prahramaj vizitu praduhledžana praviadzieńnie pierahavoraŭ z pradstaŭnikom urada Italii, hienieralnym kamisaram «EKSPA-2015», prezidentam rehijona Łambardyja. Akramia taho, biełaruskaja delehacyja płanuje naviedać rehijon Italii Pjemont dla praviadzieńnia pierahavoraŭ z prezidentam rehijona, meram Turyna i kiraŭnictvam adnoj z samych bujnych u śviecie aŭtamabilnych kampanij Fiat Chrysler Automobiles. Zapłanavana taksama praviadzieńnie pierahavoraŭ z kiraŭnictvam kancerna Finmeccanica na bazie adnaho ź jaho padraździaleńniaŭ — viadučaha vytvorcy viertalotnaj techniki kampanii AgustaWestland.
