Dadatnaje salda źniešniaha handlu tavarami i pasłuhami Biełarusi ŭ studzieni—lipieni biahučaha hoda skłała $1 młrd 349,5 młn, što ŭ 2,4 raza bolš, čym za anałahičny pieryjad minułaha hoda. Ab hetym śviedčać statystyčnyja danyja Nacyjanalnaha banka Biełarusi.
Źniešniehandlovy abarot tavaraŭ i pasłuh u studzieni—lipieni skłaŭsia na ŭzroŭni $38 młrd 70,3 młn, što na 26,1 pracenta mienš, čym za studzień—lipień 2014-ha. U tym liku ekspart skłaŭ $19 młrd 709,9 młn (źniziŭsia na 24,3 pracenta), impart — $18 młrd 360,4 młn (źniziŭsia na 27,9 pracenta).
Salda źniešniaha handlu tavarami skłałasia admoŭnaje na ŭzroŭni amal $45 młn. U studzieni—lipieni 2014 hoda hety pakazčyk taksama byŭ admoŭnym i składaŭ $526,2 młn. Źniešniehandlovy abarot tavaraŭ skaraciŭsia na 27 pracentaŭ da $31 młrd 857 młn. Ekspart tavaraŭ źniziŭsia na 26,2 pracenta da $15 młrd 905,8 młn, impart — na 27,8 pracenta da $15 młrd 951,2 młn.
Salda źniešniaha handlu pasłuhami ŭ studzieni—lipieni skłałasia dadatnaje na ŭzroŭni $1 młn 394,9 tys., što na 28,4 pracenta bolš, čym za anałahičny pieryjad minułaha hoda. Źniešniehandlovy abarot pasłuh u studzieni-lipieni skłaŭsia ŭ sumie $6 młrd 213,3 młn (79,3 pracenta da ŭzroŭniu studzienia-lipienia 2014 hoda). Ekspart pasłuh źniziŭsia na 14,7 pracenta i skłaŭ $3 młrd 804,1 młn, impart — na 28,6 pracenta da $2 młrd 409,2 młn.
