Udzielniki akcyi «Nie rabavańniu» na praśpiekcie Bahramiana admovilisia vykanać patrabavańni palicyi i syści z praśpiekta. Napiaredadni pratestoŭcy pierakryli prajeznuju častku praśpiekta, i palicyja dała im čas da 5:00 ranicy.
Pačynajučy ź piataj ranicy, palicyja pieryjadyčna zaklikała ŭdzielnikaŭ akcyi razyścisia, ale pratestoŭcy sfarmavali žyvy łancuh i admovilisia vykonvać patrabavańni pravaachoŭnikaŭ. Praz paŭhadziny palicyjanty, taksama sfarmavaŭšy łancuh, vycisnuli ŭdzielnikaŭ akcyi z prajeznaj častki praśpiekta. Jany ačapili prajeznuju častku, nie dazvalajučy aktyvistam znoŭ vyjści na prajeznuju častku.
U vyniku razhonu akcyi pratestu 48 aktyvistaŭ byli dastaŭlenyja ŭ addzialeńni palicyi, paviedamlaje armtoday.info.
