David Ramos/Getty Images
Sotni tysiač ludziej vyjšli na vulicy Barsiełony ŭ piatnicu, kab pryniać udzieł u demanstracyi za niezaležnaść Katałonii ad Ispanii.
Šeście było pryśviečana «nacyjanalnamu dniu» Katałonii, jaki žychary pravincyi adznačajuć 11 vieraśnia. U hety dzień u 1714 hodzie skončyłasia abłoha Barsiełony, apošniaja bitva vajny za ispanskuju spadčynu, u vyniku čaho Katałonija ŭvajšła ŭ skład Ispanii.
Praz dva tydni ŭ Ispanii projduć vybary ŭ rehijanalnyja orhany ŭłady. Na dumku aktyvistaŭ, jakija vystupajuć za niezaležnaść, vyniki hetaha hałasavańnia kančatkova vyrašać los pravincyi.
U 2014 hodzie ŭ Katałonii prajšoŭ nieaficyjny plebiscyt ab niezaležnaści. Kala 80% z tych, chto prahałasavaŭ tady vykazalisia za adździaleńnie Katałonii, jaŭka skłała 40%.
Pavodle padlikaŭ, prahałasavali kala 2 młn. Jurydyčnaj siły plebiscyt nie mieŭ.