Fota: «Kommiersant'»
Premjer-ministr Ukrainy Arsienij Jacaniuk zajaviŭ, što skieptyčna stavicca da minskich damoŭlenaściaŭ, adnak pryznaŭ, što heta adzinyja pahadnieńni, jakija byli dasiahnutyja bakami ŭkrainskaha kanfliktu. Jak paviedamlaje TASS, takoje mierkavańnie jon vykazaŭ u chodzie 12-j štohadovaj sustrečy Jałcinskaj jeŭrapiejskaj stratehii (YES) u Kijevie.
U toj ža čas kiraŭnik urada adznačyŭ, što, choć vajennaha rašeńnia situacyi na Danbasie i nie isnuje, kanflikt biez najaŭnaści mocnaj armii nie vyrašycca. U suviazi z hetym jon u čarhovy raz padkreśliŭ, što ŭ Kijevie čakajuć ad Zachadu dapamohi i pastavak abaronnaha ŭzbrajeńnia.
«ZŠA sprabujuć vyrašyć prablemy ŭ śviecie. ES vyrašaje svaje prablemy, i ŭ ich unutranyja palityčnyja raskłady. Tamu vielmi važna, kab Ukraina dla ES i ZŠA była klučavym pryjarytetam», — cytuje kiraŭnika ŭkrainskaha Kabmina «Interfaks».
Minskija damoŭlenaści byli dasiahnutyja pa vynikach sustrečy lidaraŭ krain — členaŭ «narmandskaj čaćviorki» (Ukraina, Rasija, Hiermanija, Francyja) u lutym 2015 hoda. Dakumient praduhledžvaje ŭstanaŭleńnie režymu spynieńnia ahniu, advod ciažkich uzbrajeńniaŭ ad linii sudakranańnia, praviadzieńnie kanstytucyjnaj reformy (z ustupleńniem u siłu da kanca 2015 hoda novaj kanstytucyi), zakanadaŭčaje zamacavańnie asablivaha statusu asobnych rajonaŭ Danieckaj i Łuhanskaj abłaściej, vyzvaleńnie i abmien pałonnymi na asnovie pryncypu «usich na ŭsich». Bolšaść punktaŭ płana maje być vykanana da kanca 2015 hoda.
