U siadzibie Partyi BNF raspačaŭsia ICH źjezd mižnarodnaha hramadskaha abjadnańnia «Małady front» (zarehistravanaje ŭ Čechii). 6 vieraśnia arhanizacyja adznačyła 18-hodździe.

Źjezd adbyvajecca ŭ adkrytym farmacie, udzielničać mohuć usie achvotnyja siabry arhanizacyi. Źmicier Daškievič nazvaŭ źjezd dyskusijaj, pieradaje radyjo «Svaboda».

U zali sabrałasia kala 30 delehataŭ. Z zasnavalnikaŭ i veteranaŭ arhanizacyi prysutničajuć Pavał Sieviaryniec, Źmicier Daškievič, Mikoła Dziemidzienka, Cimoch Drančuk, Nasta Pałažanka.

Pačaŭsia źjezd z chviliny maŭčańnia pa zahinułym va Ŭkrainie Alesiu Čarkašynu. Delehaty praśpiavali «Mahutny Boža».

Źmicier Daškievič

Źmicier Daškievič

Spačatku maładafrontaŭcy chacieli pryniać rezalucyju: Bajkot «vybaram». Ale potym vyrašyli źmianić farmuloŭku na: «Vybaram» — ihnor.

«Zaklikajem usich kandydataŭ, jakija ličać siabie apazycyjnymi, źniacca z vybaraŭ. Usich, chto praciahvaje ŭdzieł u cyrku Łukašenki — Jarmošynaj, «Małady Front» uvažaje za maryjanetak dyktatury», — havorycca ŭ rezalucyi.

«Naš hałoŭny vorah — šavinisckaja Maskva, — havorycca ŭ rezalucyi, jakuju cytuje BiełaPAN. — Naša pieršaja zadača — supraćstajać Maskvie ŭsimi mahčymymi srodkami: pašyreńniem vykarystańnia nacyjanalnaj movy, raspaŭsiudžvańniem nacyjanalnych simvałaŭ, raskryćciom sietki čarnasocienskich arhanizacyj». 

«Na parozie piataj piacihodki dyktatury Biełaruś staić pierad vostraj źniešniaj pahrozaj — mahčymaściu ahresii z boku Rasijskaj Fiederacyi», — zaznačajuć aŭtary rezalucyi.

Na ich dumku, «dyktatura Biełarusi trymajecca tolki na finansavaj i palityčnaj padtrymcy Maskvy».

«Budzie łahičnym, kali my pryjdziem da vysnovy, što treba ŭ pieršuju čarhu zmahacca z pryčynaj chvaroby, a nie z samoj chvarobaj, jakaja, majučy źniešniaje siłkavańnie, navat źniščanaja budzie ŭźnikać znoŭ. I niama roźnicy, jak jana pry hetym budzie nazyvacca: Saša abo Tania. Prykład Ukrainy heta paćviardžaje», — havorycca ŭ rezalucyi.

«Razmaŭlaj pa-biełarusku, rabi ŭsio mahčymaje, kab spynić impieryju», — zaznačajecca ŭ rezalucyi «Maładoha frontu».

Źjezd vyrašyŭ, što kiravać «Maładym frontam» zamiest sustaršyniaŭ budzie sojm. 

«Heta źviazana z roznymi akaličnaściami, — rastłumačyŭ BiełaPAN były sustaršynia «Maładoha frontu» Dźmitryj Daškievič. — Jość upłyvovyja mierkavańni, što efiektyŭnaja dziejnaść moža być decentralizavanaj. My majem prykłady fanackaha ruchu, inšych struktur, jakija nie majuć centralizavanaha kiraŭnictva i paśpiachova dziejničajuć». 

Aprača taho, pavodle słoŭ Daškieviča, «na siońnia nie vykryštalizavałasia asoba, jakaja ŭziała b na siabie adkaznaść za nacyjanalnaje lidarstva ŭ arhanizacyi».

«Na žal, nie adbyłasia paŭnacennaja źmiena pakaleńniaŭ u «Maładym froncie». Na heta paŭpłyvała šmat faktaraŭ: demahrafičnaja jama ŭ Biełarusi, režym Łukašenki, represii», — skazaŭ adzin ź lidaraŭ arhanizacyi. 

Pry hetym Daškievič vieryć, što, «kali ŭ Biełarusi pačnucca hłabalnyja pieramieny, «Małady front» ich uznačalić sumiesna ź inšymi demakratyčnymi arhanizacyjami».

U tajnym hałasavańni adnosna składu sojmu ŭziali ŭdzieł 32 delehaty źjezda. U vyniku ŭ skład sojmu ŭvajšli 19 čałaviek z 21, uniesienaha ŭ śpis dla hałasavańnia. U liku vybranych — Dźmitryj Daškievič, jaho žonka Nastaśsia Daškievič, a taksama viadomyja maładziožnyja aktyvisty Mikałaj Dziemidzienka, Eduard Łobaŭ, Uładzimir Jaromienak, Ivan Šyła, Ilja Šyła, Aleś Kirkievič. 

Druhaja siesija dziaviataha źjezda «Maładoha frontu» projdzie 10 kastryčnika. Na joj skład sojma moža być skarektavany.

Pavał Sieviaryniec

Pavał Sieviaryniec

Jaŭhien Vaśkovič na źjeździe «Maładoha Frontu»

Jaŭhien Vaśkovič na źjeździe «Maładoha Frontu»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?