Prezident Ukrainy Piatro Parašenka sustreŭsia ŭ Kijevie z suśvietna viadomym brytanskim muzykam seram Ełtanam Džonam. Padčas sustrečy Parašenka padaryŭ śpievaku futbołki z partretami Aleha Siancova, Alaksandra Kolčanki i Nadziei Saŭčanka.
«Futbołki z partretami Aleha Siancova, Alaksandra Kolčanki i Nadziei Saŭčanka — Ełtanu Džonu», — napisaŭ Parašenka na svajoj staroncy ŭ Facebook viečaram u subotu, 12 vieraśnia.
U svaju čarhu Ełtan Džon zapeŭniŭ Parašenku ŭ svajoj ščyraj lubovi da Ukrainy i padtrymcy ŭkrainskaha naroda ŭ jaho baraćbie suprać rasiejskaj ahresii. Pavodle jaho słoŭ, «toje, što adbyvajecca na Danbasie, nie ŭpisvajecca ni ŭ jakija cyvilizavanyja ramki».
«Ale Ukraina pavinna być mocnaj, adzinaj, talerantnaj, što źjaŭlajecca załoham pieraadoleńnia źniešniaj ahresii i realizacyi jeŭrapiejskich imknieńniaŭ ŭkrainskaha naroda», — dadaŭ muzyka.
Suśvietna viadomy brytanski muzykant, kiraŭnik fondu «ŚNID» ser Ełtan Džon pryjechaŭ u Kijeŭ na dvanaccatuju štohadovuju sustreču Jałcinskaj jeŭrapiejskaj stratehii (YES).
Padčas svajho vystupu ŭ subotu śpiavak zaklikaŭ ŭkrainskija ŭłady budavać novaje hramadstva, talerantnaje i pamiarkoŭnaje, u tym liku da ŁHBT-supolnaści.
