Miesto ubijstva. Fota BiełTA

Mierkavanym matyvam učynieńnia dvajnoha zabojstva ŭ vioscy Kamiennaja Horka Minskaha rajona źjaŭlajecca svarka na hlebie asabistych niepryjaznych adnosinaŭ, paviedamiŭ aficyjny pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh. 

Nahadajem, złačynstva było ŭčynienaje dniom 11 vieraśnia. 

Pavodle infarmacyi Ministerstva ŭnutranych spraŭ, niepracoŭny žychar Minska 1954 hoda naradžeńnia ŭ domie byłoj žonki ŭ svarcy strełam z abreza palaŭničaj strelby zabiŭ staličnuju žycharku 1960 hoda naradžeńnia, piensijanierku, paśla čaho ŭ domie miascovaj žycharki 1982 hoda naradžeńnia strełam z hetaha ž abreza zabiŭ jašče adnu piensijanierku, minčanku 1958 hoda naradžeńnia, i ŭciok. 

Trup padazronaha va ŭčynieńni dvajnoha zabojstva 60-hadovaha minčanina Alaksandra Karanieŭskaha padčas apieratyŭna-vyšukovych i pošukavych mierapryjemstvaŭ najšli supracoŭniki milicyi. U adnym z damoŭ u Minskim rajonie, jakija budujucca, jon skončyŭ žyćcio samazabojstvam — paviesiŭsia. Pobač ź im byŭ znojdzieny abrez palaŭničaj strelby.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?