Pra heta piśmieńnik, kandydat u prezidenty na vybarach 2010 hoda napisaŭ u svaim fejsbuku. Uładzimir Niaklajeŭ, nahadajem, braŭ udzieł u pikiecie, arhanizavanym Mikałajem Statkievičam, što prajšoŭ kala minskaha HUMa 10 vieraśnia.

fota Siarhieja Hudzilina

fota Siarhieja Hudzilina

«Patelefanavali z orhanaŭ (milicejskich), nastojliva prapanavali pryjści, kab dać tłumačeńni pa ŭdziele ŭ pikiecie 10 vieraśnia. Dla pryniaćcia rašeńnia, — napisaŭ jon. — Kanstytucyi RB, jakaja navat u tym źniaviečanym vyhladzie, jaki nadaŭ joj ciapierašni biełaruski režym, daje mnie, jak i kožnamu hramadzianinu Biełarusi, prava svabodna vyjaŭlać svaju hramadzianskuju pazicyju».

«Padčas vybarčych kampanij hetaje prava jašče j padmacavanaje 45 artykułam Vybarčaha kodeksu. Tyja «pravaachoŭniki», jakija pazbaŭlajuć mianie, usich hramadzian Biełarusi hetaha prava, nie dajuć mahčymaści jaho realizavać, i jość najpieršyja pravaparušalniki. Kirujučysia padzakonnymi dekretami, ukazami, zahadami, instrukcyjami, jany słužać nie zakonu, a biezzakońniu.

Voś i ŭsie maje tłumačeńni», — zaznačyŭ palityk.

Клас
Панылы сорам
Ха-ха
Ого
Сумна
Абуральна