Pierahladać normy ŭvozu ałkaholu fizičnymi asobami Biełaruś u adnabakovym paradku ŭ ramkach Mytnaha sajuza nie maje prava. Pra heta zajaviŭ 15 vieraśnia na pres-kanfierencyi staršynia Dziaržaŭnaha mytnaha kamiteta Juryj Siańko.

«Pa ałkaholnaj pradukcyi pytańnie treba vyrašać kompleksna ŭ siłu taho, što Biełaruś u adnabakovym paradku nie maje prava prymać rašeńni ŭ častcy abmiežavańniaŭ pieramiaščeńnia fizičnymi asobami padakcyznych tavaraŭ u vyhladzie ałkaholu i cyharet. Heta rehłamientavana sajuznymi normami zakanadaŭstva (Mytnaha sajuza. — BiełaPAN.). Hetyja pytańni nieabchodna vyrašać na nadnacyjanalnym uzroŭni «, — rastłumačyŭ Siańko.

Pavodle jaho słoŭ, pytańnie ŭvozu ałkaholnaj pradukcyi mytnaja słužba trymaje na pastajannym kantroli i abmiarkoŭvaje z kalehami pa Mytnym sajuzie ŭ zaležnaści ad raźvićcia situacyi.

Čutki pra mahčymaje abmiežavańnie Biełaruśsiu ŭvozu impartnaha ałkaholu aktyvizavalisia paśla narady ŭ Łukašenki pa pytańniach vytvorčaści i abarotu ałkaholnaj pradukcyi, jakoje adbyłosia 20 žniŭnia.

Alaksandr Łukašenka zapatrabavaŭ ad urada navieści žorstki paradak u hetaj śfiery. Pavodle jaho słoŭ, kantrafaktnaja pradukcyja z Rasii i inšych dziaržaŭ «zadušyła krainu». «Chto pieraškadžaje ŭradu abaranić ułasny rynak?» — pacikaviŭsia Łukašenka. «Na žal, urad pavodzić siabie vielmi nierašuča ŭ pryniaćci mier pa abaronie ŭnutranaha rynku. Heta nikudy nie varta», — aburyŭsia Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?