Svaje pieradvybarnyja prahramy ŭžo apublikavali ŭsie kandydaty ŭ prezidenty.
«Naša Niva» praanalizavała isnujučyja prahramy na častotnaść. Jakija słovy byli ŭ hetych dakumientach samymi papularnymi?
U Siarhieja Hajdukieviča najčaściej sustrakajecca słova… «Hajdukievič».
Vidać, niejkija palittechnołahi paraili štabu pačynać kožny abzac z proźvišča palityka. U vyniku «Hajdukievič» sustrakajecca 37 razoŭ.
Dalej pa papularnaści iduć «kraina» (21 raz) i «Biełaruś/biełarus/biełaruski» (20 razoŭ). Inšyja słovy ŭzhadvajucca radziej za 10 razoŭ.
U Taćciany Karatkievič pieraličvajucca zapłanavanyja pieramieny, tamu słova «budzie» zhadvajecca 32 razy.
Na druhim miescy «Biełaruś/biełarus/biełaruski» — 28 razoŭ.
Dalej ź vialikim adryvam iduć «zabiaśpiečvać» (16 razoŭ), «raźvićcio» (15 razoŭ), «pavinien» (14 razoŭ), «hramadzianski» i «sacyjalny» (pa 13 pazoŭ).
U Alaksandra Łukašenki pieravažaje słovy «my/nas/nam» (53 razy). Tolki paśla hetaha iduć «Biełaruś/biełarus/biełaruski» (27 razoŭ).
U Mikałaja Ułachovič samaja častaja kanstrukcyja — «Biełaruś/biełarus/biełaruski» (28 razoŭ). Nivodnaje inšaje słova bolš za 15 razoŭ nie vykarystoŭvałasia.
