Fota Al Arabiya

Ułady Saudaŭskaj Aravii praviaduć rasśledavańnie ŭ dačynieńni da budaŭničaj kampanii Saudi Binladin Group, zasnavanaj baćkam Asamy bin Ładena, šejcham Machamiedam bin Ładenam.

Rašeńnie vyklikana abvalvańniem krana na miačeć Al-Charam u Mieccy, u vyniku čaho zahinuli bolš za 100 pałomnikaŭ.

Raboty pa rekanstrukcyi i pašyreńniu miačeci, jakuju ličać hałoŭnaj i najbujniejšaj u śviecie, viała mienavita Saudi Binladin Group.

Fota Al Arabiya

Pa paviedamleńniaŭ miascovych ŚMI, Karaleŭski sud Saudaŭskaj Aravii ŭ aŭtorak zabaraniŭ kampanii padpisvać novyja kantrakty, pakul rasśledavańnie nie zavieršycca. Akramia taho, sud zahadaŭ ministerstvu finansaŭ krainy pravieści aŭdyt ŭsich prajektaŭ kampanii i ŭziaŭ ź niekatorych členaŭ kłana Bin Ładenaŭ padpisku ab niavyjeździe.

Taksama sud pastanaviŭ vypłacić kampiensacyju ŭ 1 miljon saudaŭskich ryałaŭ (kala 270 tys. dalaraŭ) siamji kožnaha z paciarpiełych.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?