Prezident Siryi Bašar Asad u intervju rasijskim žurnalistam zajaviŭ, što na Zachadzie suprać jaho i rasijskaha prezidenta Uładzimira Pucina viadziecca prapahandysckaja kampanija z metaj źmieny kiraŭnictva ŭ Siryi i Rasii.
«Zachad nie ŭsprymaje partnioraŭ i suvierennyja dziaržavy. A ŭ čym zaklučajucca ich pretenzii da Rasii? Da Siryi? Da Irana? Heta suvierennyja dziaržavy. Im chaciełasia b prybrać adnaho čałavieka i pastavić na jaho miesca inšaha, jaki budzie dziejničać u intaresach hetych krain, a nie ŭ intaresach svajoj Radzimy», — skazaŭ Asad u intervju, pakazanym pa rasijskich telekanałach «Rasija24» i RT.
Asad ličyć, što pytańnie ab jaho adstaŭcy moža vyrašać tolki siryjski narod.
«Kali narod zachoča, kab jon zastaŭsia — prezident zastajecca, a ŭ advarotnym vypadku jamu varta nieadkładna syści. Voś maja pryncypovaja pazicyja pa hetym pytańni», — skazaŭ Asad u intervju rasijskim ŚMI.
Raniej dziaržsakratar ZŠA Džon Kiery paprasiŭ svajho rasijskaha kalehu Siarhieja Łaŭrova rastłumačyć, ź jakoj metaj Maskvoj viadziecca vajennaje budaŭnictva ŭ Siryi.
Pa słovach Kery, dalejšaja padtrymka Rasiejaj prezidenta Bašara Asada tolki padoŭžyć kanflikt. Aficyjny pradstaŭnik Biełaha doma Džoš Ernest raniej skazaŭ, što Asad, na jaho dumku, straciŭ lehitymnuju ŭładu dla kiravańnia krainaj. Ernest nazvaŭ padtrymku Rasijaj Asada «projhryšnaj staŭkaj».
ZŠA abvinavačvajuć Rasiju ŭ aktyvizacyi vajennaj prysutnaści ŭ Siryi. Ale Rasija adkazvaje, što heta dapamahaje Siryi zmahacca z bajevikami ekstremisckaj hrupoŭki «Isłamskaja dziaržava».
