17 vieraśnia (čaćvier) u minskaj halerei sučasnaha mastactva «Ŭ» (pr. Niezaležnaści, 37a) adbudziecca ŭračystaja cyrymonija ŭhanaravańnia pieramožcaŭ litaraturnaha konkursu «Ekślibrys» imia Ryhora Baradulina. Pačatak u 18.30. Uvachod volny.
Nahadajem, sioleta štohadovy konkurs, jaki arhanizuje HA «Sajuz biełaruskich piśmieńnikaŭ», pryśviečany paezii i paetyčnamu pierakładu. Finalistami stali 10 tvorcaŭ — 2 łaŭreaty i 8 dypłamantaŭ.
U naminacyi «Paezija» łaŭreatam stała Valaryna Kustava, u naminacyi «Paetyčny pierakład na biełaruskuju movu» — Aleś Jemialjanaŭ-Šyłovič.
U imprezie voźmuć udzieł siabry žury: Raisa Baravikova, Leanid Drańko-Majsiuk, Natalla Kučmiel.
Vystupiać łaŭreaty, a taksama dypłamanty konkursu: Hanna Komar, Alaksiej Łabocki, Jana Maciušava, Alisa Minina, Arciom Sitnikaŭ, Hanna Stanisłavienka. Čakajecca videasiurpryz ad Anchieły Eśpinosy Ruiz.
Śpiecyjalny hość — Siaržuk Doŭhušaŭ i Harmonic Style Project.
Padzieja ŭ Fejsbuku >>
Arhanizatar viečaryny — HA «Sajuz biełaruskich piśmieńnikaŭ», partnior — hramadskaja kulturnickaja kampanija «Budźma biełarusami!»
