Fota BiełaPAN
Viarchoŭny sud pakinuŭ biez zadavalnieńnia skarhu Ciareščanki na admovu ŭ rehistracyi kandydatam u prezidenty.
Rašeńniem Viarchoŭnaha suda skarha na dziejańni Centrvybarkama ab admovie Viktaru Ciareščanku ŭ rehistracyi kandydatam u prezidenty pakinutaja biez zadavalnieńnia.
Jak paviedamiła pres-sakratar VS Julija Laskava, sam Ciareščanka padčas abviaščeńnia rašeńnia ŭ sudzie nie prysutničaŭ.
Padčas daśledavańnia piśmovych dokazaŭ pa spravie ŭ Viarchoŭnym sudzie 16 vieraśnia vyśvietliłasia, što mnohija z padpisnych listoŭ za Ciareščanku nie byli zavieranyja členami inicyjatyŭnaj hrupy. Akramia taho, u šerahu listoŭ podpisy byli pastaŭlenyja vybarščykami nia ŭłasnaručna, nie supadajuć pašpartnyja dadzienyja tych, chto padpisaŭsia z pašpartnymi dadzienymi realnych ludziej, prysutničajuć dadzienyja niesapraŭdnych dakumientaŭ, dadzienyja pamierłych asob. Siarod adrasoŭ vybarščykaŭ fihurujuć nieisnujučyja damy i kvatery. Taksama častka dadzienych ab vybarščykach zaniesienaja mašynapisnym sposabam.
Ciareščanka siońnia zajaviŭ u sudzie, što jaho padstavili siabry inicyjatyŭnaj hrupy.
Centrvybarkam na pasiadžeńni 10 vieraśnia admoviŭ Ciareščanku ŭ rehistracyi. Sam Ciareščanka na pasiedžańni nie prysutničaŭ. U dni pravierki podpisaŭ jon znachodziŭsia ŭ adździaleńni pulmanałohii 3-j haradskoj kliničnaj balnicy Minska. Tudy pretendent na pasadu prezidenta byŭ dastaŭleny 28 žniŭnia z ranišniaj dziełavoj sustrečy ŭ staličnaj kaviarni «Hrunvald». Ciareščanka śćviardžaŭ, što jaho atrucili markoŭnym sokam, pryčym naŭmysna. Ale nie ŭłady (im, pa słovach Ciareščanki, heta niavyhadna), a niejkaja «treciaja siła», jakaja «moža być ŭnutranaja, a moža być i źniešniaja».
