U Słucku 28 žniŭnia adbyŭsia pažar, u vyniku jakoha ŭ ahni ledź nie zahinuli niepaŭnaletnija dzieci. Vinoj usiamu stała adklučeńnie rabotnikami enierhazbytu elektraenierhii ŭ kvatery, dzie pražyvała šmatdzietnaja siamja, paviedamili ŭ Minskim abłasnym upraŭleńni MNS Biełarusi.
«Na biaśpieku dziaciej pracujuć tysiačy ludziej pa ŭsioj vobłaści, ale ŭsia ich praca, jak akazałasia, u adno imhnieńnie moža być pierakreślenaja chałatnym rašeńniem i dziejańniami adnaho čałavieka. Hetaja situacyja — jaskravy prykład biazdušnaści i farmalnaha staŭleńnia da vykanańnia svaich abaviazkaŭ rabotnikaŭ Słuckaha MRA pradpryjemstva RUP «Enierhazbyt»: pry pryniaćci rašeńnia ab adklučeńni elektraenierhii jany nie vyvučyli pytańnie mahčymaści biaśpiečnaha pražyvańnia niepaŭnaletnich u kvatery biez elektrazabieśpiačeńnia», — rastłumačyli ŭ abłasnym upraŭleńni MNS.
25 žniŭnia ŭ adklučanaj ad elektraenierhii kvatery razam z mamaj znachodzilisia Illa, Maksim i Ściapan — małyja 2, 5 i 7 hadoŭ. Starejšy brat, na ščaście, znachodziŭsia na vučobie ŭ inšym horadzie.
Dahladać za tryma dziećmi i biez taho niaprosta, a kali kvatera abiastočanaja… Adčaj daloka nie lepšy pamočnik u matčynaj spravie!
A zapazyčanaść pa vypłacie składała ŭsiaho kala 500 kVt⋅h.
Maci ślozna prasiła rabotnikaŭ enierhazbytu pačakać ŭsiaho adzin dzień, adnak jaje prośby i abiacańni zastalisia pa-za ŭvahaj.
Uviečary taho ž dnia žančyna pahasiła zapazyčanaść, ale padklučeńnia elektryčnaści treba było čakać jašče try dni: zajaŭka na padklučeńnie była zapisanaja tolki na 28 žniŭnia.
Vidavočna, što žančyna była vymušanaja skarystacca śviečkaj u fatalny viečar 28 žniŭnia, jaki ledź nie zabraŭ žyćci jak minimum čaćviarych čałaviek, kali maleńkaje połymia pieratvaryłasia ŭ vialiki pažar.
Na ščaście, nichto nie paciarpieŭ: maci svoječasova pračnułasia, adčuła pach dymu i vyvieła dziaciej z kvatery.
Načalnik Minskaha abłasnoha ŭpraŭleńnia MNS zapatrabavaŭ vyzvalić ad zajmajemaj pasady kiraŭnika Słuckaha MRA «Enierhazbyt» Alaksandra Leanidaviča Pratasieviča, a taksama pryciahnuć da adkaznaści hienieralnaha dyrektara RUP «Minskenierha» Paŭła Uładzimiraviča Drazda.
Kančatkovaje rašeńnie pa hetym fakcie jašče nie pryniata, ale vidavočna, što hetaja historyja pavinna stać urokam dla ŭsich, kaho tyčacca pytańni biaśpieki dziaciej.
